انت مشيت .. ونسيت قلبي معاك .. ازاي هنساك ؟!؟

ايه أكتر حاجة ممكن توجعك في الحب
الفراق .. ؟!
الكذب .. ؟!
الخيانة .. ؟!
اللي ممكن يوجع بجد انك تبعد عن حد وانت بتحبه
يمكن بتحبه أكتر من روحك ..
يمكن بتمد دقات قلبك من دقات قلبه ..
يمكن بتتنفس بأنفاسه ..
حبه مش في قلبك بس ..
دا ساير بعروقك ..
سالبك تفكيرك ..
مفيش حلم حلمته الا بيه ..
محستش انك مالك العالم الا وانت بين اديه ..
حسيت انك طاير مع نسايم الليل الهادئ للقاء حب منتظر ..
وبالرغم من كل دا .. تبعد عنه .. !!
وتكدب عليه عشان يرضي بالبعد .. !!
وانت ربك اللي عالم بيك ..
ويمكن كمان تخليه يكرهك ويظن فيك ..
وتحسسه انك خلاص نسيت .. وهو يسدء كدبك وانك خلاص اتخليت
وانت متحمل كتير وكتير .. اصحاب غايبين وقلب مريض .. وتعبه ذاد لما مشيت ؟!؟
وتبدأ تستعد لرحلة الوحدة من جديد .. !!
بإرادتك .. !!
وباختيارك .. !!
شايفه بيتوجع لبعدك .. وولا عاوز تمد له ايدك !!
والاغرب إنك بتتوجع أد وجعه ألف مرة
بتحاول تهرب من أي مكان جمعك بيه في يوم من الايام ..
عاوز تنسي ..
لكن فجأة من غير ماتحس .....
تلاقي نفسك في نفس المكان اللي جمعكم أول مرة ..
وأخر مرة .....

كل دا وانت بتحبه .. وقلبك بقي جزء منه ..
أو هو نفسه بقي حتة منك ..
ابنك .. وحبيبك .. وصاحبك .. وشريك حياتك الجاية
دمعك غلب عدد طرفة عينك ..
ويمكن قلبك دمع من قبل عينك
وبالرغم من كدا بعدت .. !!
أكيد بنعمل كدا لما بنيأس إننا نوصل بيه لبر الأمان .
فابيضطر كل واحد يتعلق بلوح خشبي ويسيب الموج يرسي بيه
علي البر اللي يخترهوله التيار ..
حتي مش بنعرف شكله ايه ..
لأننا طول الوقت باصيين علي اللوح الخشبي التاني ..
اللي بدأ يبعد ...
ويبعد ...
ويبعد ...
وكل دا بااديك ..
وكان بارادتك .. !!
وكان اختيارك .. !!
وكان هو دا قرارك .... !!!!

» اللعبه المنتظره ازاي تخنق جاركNeighbours From Hell 5 مساحه 205 ميجا كامله وعلى أكتر من سيرفر
» البوم شعبان عبد الرحيم " يا قلبي ابكي " CD.Q 128Kbps